सल मराठी कविता

सल

कसं होणार आता
मन आतमध्ये रडू लागले
ही सल मनाला कायमची
देशात नाही ते घडू लागले

हक्कासाठी एवढं भांडून
प्रश्न नाहीच मिटू लागले
न भांडताही काहींचे आता
प्रश्न मात्र सुटू लागले

भुकेचे शब्द अंतरातच आणि
इथल्या व्यवस्थेत फडफडू लागले
दोन वेळच्या अन्नासाठी मात्र
मन गुन्ह्याकडे वळू लागले

भ्रष्टाचाराचे वादळ देशात
निर्भयतेने घुमू लागले
साथ देणारी पिलावळं आता
कशी एकत्र जमू लागले

फायद्यासाठी आपल्या ते
हातात हात मिळवू लागले
काल परवा भांडणारे आता
बंध आपले जुळवू लागले

कुणालाच काही नाही वाटत
सारे डोळ्यादेखत घडू लागले
बोलक्या वेदना सारे तरी
आता मुकेपणेच गिळू लागले

""""मारोती आरेवार गडचिरोली